…სასიცოცხლოდ მნიშვნელოვანია… (პუბლიცისტიკა)

…სასიცოცხლოდ მნიშვნელოვანია…

”ინტერპრესნიუსი”
გია ხუხაშვილი - "ახალი პოლიტიკური ცენტრის შექმნა სასიცოცხლოდ მნიშვნელოვანია და მე ამას ყველანაირად ხელს შევუწყობ...
...მე ვთქვი, რომ არის ვითარება, როდესაც ორი, ფაქტობრივად, ნდობადაკარგული პოლიტიკური ძალის თამაშის მძევალია მთელი ქართული საზოგადოება..."

*

ჭეშმარიტებაა... ოღონდ, საკითხავი ის არის, ეს ”შექმნა”, რა მასალისგან მოხდება, ალბათ, ისევ გუშინდელი მონარჩენი ”ელიტიდან...” ვისაც იცნობთ და ვისზეც ”მზერა” მიგიწვდებათ... საკითხი ბევრად ღრმად შესაცნობია... ვიდრე სახელის დარქმევა...

***

ამჟამად კი ვითარება ამგვარია…

(ბილწსიტყვაობას შეძლებისდამაგვარად თავს ვარიდებ, მაგრამ, როცა გარკვეული მრვალფეროვნებით გადაძეძგილ მკითხველთან გაქვს შეხება, ამჯობინებ მოვლენების აღწერისას შტრიხები”თვალშისაცემად” გაამუქო)

იყო ერთი სახელოვანი კულტურული მემკვიდრეობის მქონე ქვეყანა, მაგრამ დადგა დრო, როცა მრავალჯერ იმედ და სარჩო წართმეულ მაცხოვრებლებს არჩევანის გაკეთება  ”ჩასვრილსა” და ”გაბოზებულს” შორის უნდა გაეკეთებინათ… (ამგვარი განსაზღვრებები, ქვეყანაში დომირებულ ჯგუფების ”ჩადენილ” საქმეთა კვალობაზე ფიქსირდება). გადარჩენის მოსურნეთა უმეტესობა, დიდი ალბათობით… თქვენც ხვდებით! რა თქმა უნდა, დღევანდელი მსოფლიოს ფსიქოსაწიერიდან გამომდინარე, ”გაბოზებული” უფრო ეიმედებათ…

თუმც, ”დაცემა და გათახსირება”, არც პირველს აკლია, და მეორეც გვარიანად ჩასვრილია…

ჰოდა, თუ "ახალი პოლიტიკური ცენტრის შექმნა” მოხერხდა,  ზემოთ მოყვანილი ”ანალიზის” გათვალისწინება ”სასიცოცხლოდ მნიშვნელოვანია…” მით უფრო, რომ ცნობილმა ანალიტიკოსმა ხაზგასმით აღნიშნა; ”როდესაც ორი, ფაქტობრივად, ნდობადაკარგული პოლიტიკური ძალის თამაშის მძევალია მთელი ქართული საზოგადოება..."

P. S. თუმც, მთელი ქართული საზოგადოება არამც და არამც… რა თქმა უნდა, გარკვეული ნაწილის, ცნობიერებისა თუ თვითშეგნების გათვალისწინებით…

ჯ.გ.

საძიებელი
The index
გადაფურცლეთ წიგნები და ჟურნალები... ჯანრი გოგეშვილი, _ Look through books and magazines... Janri gogeshvili

*

ჯანრი გოგეშვილი პროზა, პოეზია, ესსე (პუბლიცისტიკა)...